Kayseri Kafkas Derneği

Псэм ипэ напэ

КАФФЕДЫМРЭ ДУНЕЙПСО АДЫГЭ ХАСЭМРЭ Я ЗЭПЫЩ1ЭНЫГЪЭМ, 2018 ГЪЭМ МЭКЪУАУЭГЪУЭМ (06) И 30 МАХУЭМ ДАХ-ым ДАЩ1ЫНУ ЗЭ1УЩ1ЭМ ЕХЬЭЛ1АУЭ ДИ ЕПЛЪЫК1ЭХЭМ ЖЫЛАГЪУЭР ЩЫДГЪЭГЪУЭЗЭНУ ДЫХУЕЙЩ.

IMG-20180628-WA0007-1

26.06.2018-м КАФФЕДЫМ И ОФИЦАЛ  ВЕБ САЙТЫМ къратха “КАФФЕД-ДАХ. АНКАРА. ЗЭ1УЩ1Э” зи псалъащхьэ хъыбарым ипкъ къик1ыуэ, Каффед-ДАХ зэхущытык1эм теухуауэ, КЪАЙСЭР КЪАЛЭМ ДЭТ АДЫГЭ ХАСЭМ и ц1эк1э ди лъэпкъэгъухэм зыныфхуэдгъазэу щыгъуазэ фытщ1ын хуей мэхъур.

Псори зэрыщыгъуазэщи, Каффедымрэ ДАХ-ымрэ я зэхущытык1эр ДАХ-ыр щ1аухуа щхьэусыгъуэхэмрэ принципхэмрэ езэгъын ип1эк1э, Адыгэ лъэпкъым зи ягъэ ек1ын лэжьыгъэхэр зэрилэжьым къыхэк1ыу, Къайсэр хасэри, адрей хасэхэри зыхэлэжьыхьауэ илъэсит1 ипэ зы унафэ къащтат. Каффедым и официал сайтми къызэрыратхауэ, ДАХ-ым къыхэмык1ыжыпэми, Каффед-Дах зэпыщ1эныгъэр п1алъэк1э зэтрагъэувы1эн унафэр къащтагъат,http://www.kaffed.org/haberler/federasyondan/item/3091-kaffed-y%C3%B6netim-kurulu-,

http://www.kaffed.org/haberler/federasyondan/item/3105-kaffed-den-d%C3%A7b-konulu-kamuoyu- Ик1и ДАХ-ымрэ дэрэ ди зэпыщ1эныгъэр щ1ызэтедгъэувы1а щхьэусыгъуэм зы зэхъуэк1ыныгъэ закъуи къыхэхъухьакъым.  Уеблэмэ, мыбы иджыри зы щапхъэ къыхэхъуащ: УФ-м анэдэлъхубзэхэм ехьэл1ауэ Думэм щыпхык1а закон проектым теухуауэ дэгу-нэф зищ1ауэ ДАХ-ым зы реакцие зэримыгъэлъагъуэрщ.

Ауэ езым къищтауэ щыта мы унафэм Каффедыр епц1ыжащ. Ипэ к1ыщ1э, Дунепсо Адыгэ Хасэм Каффедым езым и ц1эк1э игъэк1уа унафэщ1 гупым хэт л1ык1уэхэр, Каффедым къищта унафэм къемыдэ1уэжу, и зэхуэсхэм псоми к1уащ. Мыр Каффедым ищ1эрэ имыщ1эрэ тэрэзу тхузэхэгъэк1акъым. Иужьрейуэ, мазит1 ипэ Германием щащ1а зэхуэсым аргуэру езы Каффедым и тхьэмадэ дыдэр, унафэщ1 гупым хэтхэри игъусэу, к1уахэщ. Къык1элъык1уэ зэхуэсыр Анкара Нарт Ситеси’м щащ1ыну абы унафэ къыщащтащ. Махуит1 нэужьым Анкара мы зэхуэсыр щащ1ынущ, абыи хасэ тхьэмадэхэр ирагъэблэгъащ, хэт к1уэнуми мык1уэнуми дэ тщ1экъым, ауэ мы зэхуэсым и лэжьыгъэм дэ дыхэткъым. Сыт дыщ1эмык1уэнур? Каффедым къищта унафэм езыр-езыру епц1ыжащ, пщ1э хуищ1акъым, ДАХ-ым хэт езым и унафэщ1 гупым щыщ л1ык1уэхэри езым къедэ1уэжакъым.
Мыпхуэдэу щыхъук1э, ипэк1э куэдрэ дызыхэта адрей зэхыхьэ пщ1эншэхэм хуэдэу, фэрыщ1ыгъэ щытхъу ф1эк1а нэгъуэщ1 зыри къыпэмык1уэжыну фэ идоплъри, мы къэк1уэну зэхуэсми Къайсэр хасэм и ц1эк1э дыныхыхьэкъым.

КЪАЙСЭР АДЫГЭ ХАСЭ

Kayseri Kafkas Derneği Tüm Hakları Saklıdır - İzin alınmadan hiçbir veri kullanılamaz. ©2014 Tel: 352 222 64 81 E-Posta:kayserikafder@gmail.com Frontier Theme